Вонредни владини мерки против загадувањето на воздухот?

Добивај вести на Viber

Владата ќе презема вонредни мерки против загадувањето на воздухот во Скопје. Плановите не се откриват, но ова ќе биде една од точките на утрешната седница. Ваквите најави доаѓаат по силниот притисок на јавноста, но и временската прогноза која не помага во борбата со загадувањето. Оваа најава е поинаква од изјавата дадена утрово на министерот за животна средина и просторно планирање Абдилаќим Адеми. Тоја за пасивноста на Министерството, се правдаше дека мерки се преземаат ако квалитетот на воздухот не се подобри во текот на 10 последователни дена. Според Адеми, за загадувањето на воздухот се виновни сообраќајот, домаќинствата и градежништвото. Според него, загадувањето не доаѓа од големите индустриски капацитети. „ Поголемите загадувачи во кои се сомневавме дека го влошуваат квалитетот на амбиентниот воздух, како Макстил, Скопски легури и други капацитети во кругот на Железара, не работат од 28 ноември. Другите големи капацитети во овој регион ги исполнуваат еколошките стандарди“, вели Адеми кој потсети дека повече капацитети, како на пример Клиничкиот центар, кои досега користеа мазут сега се греат на гас. Загадувањето доаѓа и од помалите капацитети, кои се во надлежност на општините, односно Градот Скопје, додаде Адеми и апелираше градоначалниците поактивно да се вклучат за надминување на состојбите. Министерот смета дека е потребно подигање на свеста кај сите, а порача граѓаните да користат поквалитетно гориво за греење и да не ги користат возилата. Со слични препораки се јави и град Скопје, од  каде на граганите им препорачаа да седат дома и да не проветруваат бидејќи воздухот надвор е штетен по нивното здравје. Во меѓувреме низ Скопје „никнуваат“ кутии со маски на кои пишува „Дишењето во Скопје е штетно за вашето здравје“.