(ВИДЕО) „ВРИЕ“ ВО БАРСЕЛОНА: Во протестите има повеќе од 50 повредени
Објавено во: Свет 21 Декември, 2018
Шпанската Влада заседава во Барселона, а на улиците се одржуваат масовни протести.
Демонстрантите носат транспаренти на кои пишува „Слобода“ и „Мир“, пренесува агенцијата АП.
Илјадници луѓе се собраа во центарот на Барселона денеска на маршот за поддршка на барањата за независноста на Каталонија од Шпанија, на денот кога шпанската влада на премиерот Педро Санчез одржа седница во каталонската престолнина.
Демонстрациите се организирани од страна на Каталонскиот национален собор, независна чадор-организација која беше еден од главните двигатели на неуспешните сепаратистички тенденции што лани ги покажаа некои политички партии во Каталонија.
Протестите следеа неколку часа откако некои сепаратисти се судрија со специјалните полициски сили во Барселона. Тие протестирале против одржување на седница на шпанската влада во главниот град на Каталонија.
Во тие конфликти се повредени 51 лице, вклучително и 30 полицајци, додека единаесетмина се уапсени.
Владата на Санчез денеска донесе регулатива со која се зголемува минималната плата за 22 отсто, што е највисок раст во последните четири децении, пренесе агенцијата „Ројтерс“.
По скоро една година од референдумот за отцепување на Каталонија од Шпанија, лидерите се во затвор, додека премиерот Карлес Пучдемон е во егзил во Белгија.
фото АП
Можеби ќе ве интересира
ПО НАПАДОТ НА ФИЦО: Смртни закани добил и Доналд Туск
НОВИОТ РУСКИ МИНИСТЕР ЗА ОДБРАНА НЕ ПОМИНАЛ ВОЕН РОК: Дали Путин згреши со изборот?
СОСЕДОТ ГО КИДНАПИРАЛ: Алжирец е пронајден по 26 години
КАДИРОВ: Насочете ги сите сили кон безбедноста на Русија и нејзиното население
НЕКОЛКУ ДЕНА ГО ПЛАНИРАЛ НАПАДОТ: Човекот кој пукаше во Фицо откри што го налутило
ШЕСТЕ КЛУЧНИ ГРЕШКИ - еве што погреши обезбедувањето на словачкиот премиер Роберт Фиц
ДУБАИ Е ПОДОСТАПЕН ОД БИЛО КОГА: Цените на недвижностите се пониски отколку во центрите на многу балкански земји
ГЕРМАНИЈА ДРАСТИЧНО ГО ЗГОЛЕМИ БРОЈОТ НА РАБОТНИ ВИЗИ ЗА МАКЕДОНЦИТЕ И ДРУГИТЕ БАЛКАНЦИ: Ова се професиите кои најдобро ќе се снајдат, платите одат и до 7.000 евра
