Вучиќ: Јавните претпријатија кријат пари!

Добивај вести на Viber

Српскиот премиер Александар Вучиќ изјави дека има проблеми во сите јавни претпријатија во Србија, а најтешка е ситуацијата во оние во кои повеќето пари се кријат, наместо да и се враќаат на државата. Гостувајќи на српската телевизија Пинк по повод првите 100 дена од мандатот на српската Влада на чие е чело, Вучиќ ги потсети директорите на јавните претпријатија дека „тие и служат на државата“, Освен две-три јавни претпријатија кои добро работат, останатите недоволно се профитира, додаде тој. „Тие пари се државни, а во тие претпријатија се кријат пари на десет сметки, како да е тоа нивна сопственост, а не државен капитал. Ние ве формиравме, ви дадовме монополска позиција за да и плаќате на државата. А на многу од тие претпријатија ние уште им плаќаме од државната каса“, вели Вучиќ. Тој увери дека Србија нема да ја доживее економската судбина на Аргентина или Грција „затоа што има одговорна власт, која не купува гласови, туку носи тешки но спасоносни закони“. „Србија не е во опасност од банкрот“, нагласи Вучиќ, иако додаде дека земјата се соочува со тешки наследени проблеми.Затоа, според него, државата ќе мора уште две години да се задолжува за да го покрие дефицитот пред државните финансии да бидат поставени на здрави основи.