За 15 години брак букет со бели рози од Мицкоски за сопругата: Рози окрива детали од приватниот живот
Објавено во: Стил 09 Јануари, 2021
Рози и Христијан Мицкоски прославиле пред Нова година 15 години од бракот а лидерот на ВМРО-ДПМНЕ на сопругата и подарил голем букет со бели рози. За празнувањата дома и детали од живеењето со него Рози зборува во интервју за весникот Вечер. Таа вели дека Христијан е сосема поинаков дома.
„Со годините и двајцата научивме дека треба да се направи баланс меѓу семејните и работните обврски, а бидејќи неговата моментална функција е многу чувствителна и стресна, се обидува тоа да не го пренесува дома. Секојдневните предизвици ги остава пред врата и се обидува тие да немаат некое влијание врз нас. Се разбира, тоа не секогаш му успева да нè заштити, но се обидува, вели Рози.
Додава дека притисокот е огромен и самата, на почетокот не била свесна дека сето тоа е толку голем притисок. Токму затоа, додава, во нивното семејство не се гледаат вести, а телевизорот се вклучува само за детските програми. Таа не е активна ниту на социјалните мрежи, нема профил ниту на Фејсбук.
Рози Мицкоска веќе 15 години е професорка по македонски јазик во гимназијата „Орце Николов“.
Извор Вечер
Фото Петр Стојановски