За десетина дена ќе бидеме една од ретките земји со целосно вакциниран медицински персонал, вели Филипче

Добивај вести на Viber

За десетина дена ќе бидеме една од ретките земји со целосно вакциниран медицински персонал, изјави министерот за здравство, Венко Филипче во дневникот на Сител. 

„Со самата пратка на вакцините пристигнуваат документите, за кои подоцна потребно е да се направи административен записник.  Што се однесува до остатокот од вакцините од Србија, следната недела ќе ги очекуваме да пристигнат во земјава. Во следните денови ќе се вакцинираат по 300-400 лица на дневно ниво. Исто како и јавните здравствени институции, и приватните центри ќе бидат вклучени во имунизацијата.  Фајзеровата вакцина е специфична, но со оваа динамика којашто ја посочив ќе го испочитуваме распоредот. Што се однесува до кинеските вакцини, последните информации говорат дека тие ќе пристигнат во земјава до крајот на месец февруари“, посочи Филипче.

Филипче вели дека до крајот на овој месец би требало да пристигнат 200-те илјади вакцини од кинеската компанија Синофарм. 

Министерството за здравство информира, согласно податоците од Институтот за јавно здравје во последните 24 часа се направени 2275 тестирања, а регистрирани се 358 нови случаи. Во неделата пристигнаа првите дози вакцини од Србија. Процесот на вакцинација почнува утре.