За две години пензиите ќе трошат 100 милиони евра повеќе, буџетот се цеди
Објавено во: Економија 10 Септември, 2019
Државата ќе има до 2021 година нови над 11.000 пензионери а ПИОМ ќе исплаќа за пензии вкупна сума која е за шест милијарди денари или за безмалку 100 милиони евра поголема од сумата која за таа намена ќе се издвои годинава. Ова е дел од стратешкиот план на ПИОМ кој се однесува за оваа и за следните две години.
Во планот стои дека едно од стравувањата е дека ќе се зголемува зависноста на ПИОМ од државниот буџет. Познато е дека за да ги исплати пензиите државата секоја година го финансира ПИОМ со сума која сега надминува 500 милиони евра.
Инаку според бројките ако годинава има 324.382 корисници на пензии, до 2021 година ќе бидат 335.835.
Корисници на пензија |
Број на корисници |
2019 година |
324.382 корисници |
2020 година |
330.051 корисници |
2021 година |
335.835 корисници |
Ако се анализираат сумите планот е од годинишените 56 милијарди денари, во 2021 година да се исплатат над 62 милијарди денари за пензии.
Освен зависоноста од буџетот како една од заканите се смета и иселувањето на работоспосбното население. Инаку според податоци кои ги има Фактор, од буџетот на државата во 2018 година префрлени се вкупно 478 милиони евра и тоа за повеќе намени.
Во меѓувреме речиси секој месец ПИОМ земал позајмици од по 300 милиони денари во просек за исплата на пензиите.
А.Т.