ЗА НАПАДОТ ВО ЛИБАН: Унгарија преку Бугарија префрлила 1,6 милиони евра за експлозивните пејџери?
Објавено во: Свет 19 Септември, 2024
Медиумите пишуваат дека Унгарија преку Бугарија префрлила 1,6 милиони евра за експлозивните пејџери.
Пари во износ од 1,6 милиони евра, кои се поврзани со смртоносните експлозии на пејџерите во Либан, се префрлени преку Бугарија во Унгарија, објави бугарската телевизија БТВ, повикувајќи се на извори во Државната агенција за национална безбедност.
Бугарските власти претходно соопштија дека МВР и Службата за државна безбедност отвориле истрага за евентуална поврзаност на фирма со овој настан. Не е прецизирано која компанија е под истрага.
Локалните медиуми јавуваат дека компанијата „Норта Глобал“ од Софија ја овозможила продажбата на пејџери на Хезболах.
Либан и Хезболах го обвинија Израел за напади врз комуникациската опрема на Хезболах во кои загинаа 37 луѓе, а околу 3.000 беа ранети.
Израел директно не ги коментираше нападите, за кои безбедносни извори велат дека најверојатно биле извршени од неговата шпионска агенција Мосад.
Унгарската влада вчера ги негираше наводите на тајванската компанија Gold Apollo дека моделот на пејџер користен во масовните експлозии во Либан, е произведен во Будимпешта.
Либанците се плашат дека се можни експлозии на мобилни, лаптопи и друга техника.
Можеби ќе ве интересира
КОПНЕНАТА ИНВАЗИЈА НА ИЗРАЕЛ ВО ЛИБАН: Експерт анализира дали ќе се случи и колку долго би можела да трае
РУСКАТА СЛУЖБА ОТКРИ КОЈ УЧЕСТВУВАЛ ВО ЕКСПЛОЗИИТЕ НА „СЕВЕРЕН ТЕК“ - прстот го вперија кон две земји
Ќе го пукне ли како балон Нетанјаху митот за непобедливоста на Хезболах?
ПОКРЕНАТА ТУЖБА ПРОТИВ ГРАДОНАЧАЛНИКОТ НА ЊУЈОРК - ова се случува прв пат во историјата на градот
„КОЈ ПРВ ЌЕ ПОВЛЕЧЕ ЌЕ БИДЕ ПРОКОЛНАТ“: Светот не би ѝ простил на Русија за користење нуклеарно оружје
СО НОВ СУПЕР БРЗ ВОЗ ОД БЕРЛИН ДО ПАРИЗ: Ќе се стигнува за осум часа, почетна цена за карта е 60 евра
