ЗА ПАТНИЧКИ ЛЕТОВИ: Меѓународниот Аеродром Скопје ќе биде затворен од утре на полноќ
Објавено во: Македонија, Корона Вирус 17 Март, 2020 14:16
Согласно Одлуката на Владата на Република Северна Македонија донесена на 16-ти март 2020 година за спречување на внесување и ширење на коронавирусот, ТАВ Македонија сака да ги информира сите патници и јавноста дека Меѓународниот Аеродром Скопје ќе биде затворен утре, 18-ти март, од полноќ, за патнички летови, сè до следното известување.
Како аеродромски оператор ги информиравме сите авиокомпании и засегнати страни за оваа одлука, додека М-НАВ ја објави истата во НОТАМ - авијациски документ кој ги информира сите авиопревозници за важни и итни пораки.
Во престојниот период, на Меѓународниот Аеродром Скопје нема да има патнички летови, освен државни, воени, хуманитарни, медицински, санитарни и карго летови.
До затворањето, авиосообраќајот ќе се одвива според распоредот на летови кој патниците можат да го проверат на нашата веб-страница http://skp.airports.com.mk/ , но со оглед на тоа што ситуацијата со Коронавирусот се менува многу брзо, Ве замолуваме да ги следите последните објави за вашите летови на веб-страниците на авиокомпаниите и да ги контактирате нивните оддели за клиенти.
За сите евентуални натамошни промени во работењето на Меѓународниот Аеродром Скопје и Аеродромот Свети Апостол Павле Охрид, кој беше затворен во неделата, на 15-ти март 2020, исто така врз основа на Одлука на Владата, ќе ги информираме патниците и јавноста, согласно информациите и одлуките на Владата штом ќе ги добиеме истите, и тоа преку: медиумите, нашите веб-страници http://skp.airports.com.mk/ и http://ohd.airports.com.mk/, како и нашите страници на социјалните мрежи Фејсбук, Твитер и Инстаграм.
Можеби ќе ве интересира
СПОМЕНИК ВО ЧЕСТ НА ПРОГОНЕТИТЕ МАКЕДОНЦИ ОД ЕГЕЈСКА МАКЕДОНИЈА: Некој ја одзел плочата во паркот „Жена борец“
ОГРАНИЧУВАЊЕ НА ДИСКРЕЦИСКАТА МОЌ НА МИНИСТЕРОТ ЗА ВНАТРЕШНИ ПРИ УНАПРЕДУВАЊЕ - антикорупционерите бараат законски измени
Финансиска полиција „го тресе“ поранешното раководство на Прилепска болница
„ПОДГОТВЕНИ СМЕ ДА ПОТПИШЕМЕ И ВЕДНАШ ДА ПОЧНЕМЕ СО РАБОТА“: бугарските министри за железничкото поврзување со Македонија
Бугарскиот МНР: Уставните измени не се единствен услов за Македонија
И ДКСК УТВРДИЛА ПРОПУСТИ ВО ЗАКОНОТ ЗА УГОСТИТЕЛСКА ДЕЈНОСТ: Еве што велат комисијата
ЗАВРШИ ГРЕЈНАТА СЕЗОНА, НО СКОПЈАНИ, НЕ СТРАВУВАЈТЕ - ако надвор е ладно, ќе има топли радијатори се до 30 април
ШЕСТГОДИШНО ДЕВОЈЧЕ СЕ ИЗГУБИ ВЧЕРА: По грешка се качило во меѓуградски, наместо во градски автобус, за среќа полицијата го пронајде
„ОДГОВОРНОСТ ЌЕ ИМА АКО ИМАЛО ГРЕШКА“: Таравари за случајот на Кардиохирургија го чека извештајот на здравствениот инспекторат
