За што Иран го опомена Трамп?
Објавено во: Свет 24 Април, 2018
Иранскиот претседател, Хасан Рохани денеска ги предупреди САД дека ќе се соочат со „тешки“ последици доколку решат да се повлечат од нуклеарниот договор на Техеран и светските сили од 2015 година.
Рохани ова го кажа во обраќањето до приврзаниците во градот Табриза, кое го пренесуваше државната телевизија.
Тој вели дека иранскиот народ и Владата „силно ќе се спротивстават“ на сите заговори на тие што седат во Белата куќа, без да изнесе детали, освен дека Техеран ќе се придржува кон своите обврски.
Рохани и порано изјави дека САД „ќе зажалат ако го прекршат иранскиот нуклеарен договор“ и дека „ќе го видат одговорот на Техеран за помалку од една недела“.
Американскиот претседател Доналд Трамп не го потврди нуклеарниот договор со Иран во јануари туку го одреди 12 мај како нов рок за продолжување на отстапките. Тој кажа дека тогаш ќе излезе од договорот ако европските земји не им се придружат на САД во решавањето на проблемите за кои тврди дека се фатални недостатоци на тој договор.
„Луѓето ги знаат моите ставови во врска со договорот со Иран. Тоа беше ужасен договор, кој никогаш не требаше да се направи“ - изјави Трамп.
Тој вели дека договорот е „луд“ и „смешен“.
Нуклеарниот договор е склучен во јули 2015 година меѓу Иран и Групата шест (Германија, Кина, САД, Франција, Велика Британија и Русија). Со договорот се ограничува иранското збогатување и складирање на материјали што може да бидат користени за правење нуклеарно оружје. На Техеран пак му се укинати многу санкции на меѓународната трговија, во нафтениот и банкарскиот сектор.
Можеби ќе ве интересира
Стратегија за надминување на проблеми со недостиг на лекари специјалисти, бара научната фела
За оваа овошка сигурно не сте ни слушнале, а донесува одлична заработка: Цената е 5 евра за кг, а е се популарна во Европа
Спектакуларна кражба на криптовалути во САД: Студенти од престижен универзитет украле 25 милиони долари за 12 секунди
Живееме се подолго, тврди нова студија: Глобалниот животен век во 2050 година ќе биде - 78,2 години
Ова е директорот со најголeм бонус во светот! Го частеа повеќе отколку што му е годишната плата-причината 100 отсто оправдана!
Шок сцена во Парламент: Пратеник украде важни документи од опозицијата, а потоа настана општ хаос (ВИДЕО)
Франција изгуби контрола над делови на Нова Каледонија: На островот одекнуваат истрели и експлозии (ВИДЕО)
Советот на Европа го усвои првиот меѓународен договор за вештачка интелигенција
„Кина е клучниот снабдувач во светот“: Светската индустрија тешко ќе се одвикне од производството на истокот, еве зошто
