ЗА ЗЕЛЕНСКИ ОВА Е СЕРИОЗНА БРОЈКА: Aрмијата побарала мобилизација на уште 450.000 до 500.000 луѓе
Објавено во: Свет 19 Декември, 2023
Армијата во Украина ќе мобилизира уште луѓе. Украинскиот претседател Володимир Зеленски вели дека армијата побарала мобилизација на уште 450.000 до 500.000 луѓе.
Сепак, конечна одлука нема. Зеленски кажа дека армијата и владата ќе разговараат за ова „многу чувствително прашање на мобилизација“ и дека потоа ќе биде испратено на разгледување во Парламентот.
„Мобилизирањето на таков опсег ќе бара и дополнително финансирање“, додаде тој.
Претседателот вели дека ова е сериозна бројка.
„Одговорив дека ќе ми требаат дополнителни аргументи за да го поддржам таквиот потег“, кажа Зеленски.
Рускиот претседател Владимир Путин изјави дека Москва е подготвена да разговара за иднината на Украина со Соединетите Американски Држави, Европа и Украина доколку тие сакаат, но дека Русија ќе ги брани своите национални интереси. Руската инвазија на Украина почна лани на 24 февруари.
фото принтскрин