ЗАБРАНА: Српските интелектуалци нема да можат да влезат во Црна Гора
Објавено во: Балкан 01 Ноември, 2018
Потврдена e забраната за влез на српски интелектуалци во Црна Гора.
Полициската дирекција донесе одлука со која на српски интелектуалци, меѓу кои е и писателот Матија Беќковиќ, им се забранува да влезат во земјата.
„Преминувањето на државната граница, освен на Беќковиќ, им е ускратено и на историчарите Чедомир Антиќ и Александар Раковиќ, како и на српскиот политичар и адвокат Дејан Мировиќ“, изјавија од Граничната полиција.
Српските интелектуалци, на кои им е забранет влезот, беа најавени како говорници на манифестацијата по повод прославата на Собранието на Подгорица.
На полициските службеници на сите гранични премини им е доставен список на луѓе на кои не им е дозволено ниту случајно да влезат во земјата, затоа што тие ја загрозуваат националната безбедност на Црна Гора, објави црногорскиот весник Дан.
Како главна причина за забраната се наведуваат нивните поранешни изјави.
„Јас прво не знам дали ова е вистина и дали тоа се однесува на мене жив или на мене мртов, бидејќи планирав да бидам во Црна Гора кога ќе умрам. Се чудам за историчарите, но не се чудам за мене“, вели Беќковиќ.
Прашан зошто не е изненаден за себе, Беќковиќ вели: „Тоа е судбината на поетот“.
Празниците по повод 100-годишнината од формирањето на парламентот во Подгорица и Денот на
обединувањето помеѓу Црна Гора, Србија и други јужнословенски нации ќе се одржат на 1
декември во Подгорица.