Забрана за дизел возила во некои градови во Германија
Објавено во: Свет 27 Февруари, 2018
На германските градови ќе им биде дозволено да ги забранат постарите дизел возила од некои области по одлуката на судот, пренесе Би-би-си.
Сојузниот административен суд во Лајпциг изјави дека градовите Штутгарт и Дизелдорф законски можат да ги забранат постарите дизел автомобили кои повеќе загадуваат од зоните кои најмногу се погодени од загадувањето. Оваа одлука следеше откако германските држави поднеле жалви против забраните наменети од страна на локалните судови во Штудгарт и Дизелдорф во случаите поднесени од групата за животна средина ДУХ.
Според неа, забраните се неопходни откако околу 70 германски градови минатата година ги надминаа границите на Европската унија за нивото на азотен оксид (NOx).
ДУХ соопшти дека се надева дека забраните во германските градови ќе го запрат „отпорот“ на индустријата да ги реконструираа постарите автомобили кои загадуваат да ги исполнат најновите стандарди на ЕУ.
„Ова е одличен ден за чист воздух во Германија“, изјави директорот на ДУХ Јурген Реш.
На тоа се спротиставуваат автомобилската индустрија како и владата затоа што се плашат дека тоа ќе го наруши животот на сопствениците на дизел возилата како и тоа дека возилата ќе ја изгубат вредност.