Заев го прекина протестот на Клинички
Објавено во: Македонија 15 Декември, 2018
Лекарите, медицинскиот и техничкиот персонал на Клиничкиот центар „Мајка Тереза“ од денес повеќе нема да протестираат во кампусот поради најавеното поскпување на паркингот за вработените од 300 на 800 денари затоа што премиерот Зоран Заев им закажа средба за десетина дена.
Заев потврди дека на 24ти или 25ти ќе има средба со Синдикатот на Клинички и со министерот Филипче на која, како што рече ќе разговараат за сите болни прашања што ги мачат здравствените работници и во рамките на можностите ќе бараат решенија.
- Нивните барања ги остваруваме. Ова сега е второ зголемување, 10 проценти за лекари и 5 проценти за сестри, болничари, а во следниот септември ќе има друго зголемување. Со тоа ќе стигнеме просек од 90.000 денари вкупен приход на специјалистите од нето плата и дежурства, иако има случаи во терциерното здравство каде специјалисти земаат и 140 000, 150 000 плата и ако ги споредиме со платите во Германија, сме направиле сериозен исчекор, изјави премиерот.