Заев: Нема да има дипломатски булдожери меѓу Македонија и Грција
Објавено во: Македонија 07 Април, 2018
Премиерот Зоран Заев вели дека нема да има дипломатски булдожери меѓу Македонија и Грција за спорот за името.
Тој во интервју за МИА вели дека за решение вреди да се жртвува и политичката кариера. Премиерот најавува средба со грчкиот премиер Алексис Ципрас, а ја потврди и средбата на 12 април меѓу министрите Никола Димитров и Никос Коѕијас.
„Кога ќе ја слушнете најавата за средба Заев и Ципрас да знаете дека сме тука со достоинственото решение за државата“- вели Заев.
Грчките медиуми пишуваат дека блиските соработници на премиерот разгледуваат повеќе опции, доколку најдат решение со Македонија.