Заев одговори дали како ФИРОМ можеме да влеземе во НАТО
Објавено во: Македонија 08 Април, 2018
Премиерот Зоран Заев вели дека не е возможно Македонија да влезе во НАТО под референцата ФИРОМ, доколку до следниот самит не се најде решениe на спорот за името.
Тој потсетува дека при посетата на Македонија генералниот секретар на НАТО, Јенс Столтенберг, кажа дека таа работа не ја бива. Премиерот во интервју за МИА вели дека е возможно асоцијативно членство по теркот на Шведска и други земји, но сепак желбата на Македонија е членство во НАТО.
Заев вели дека достоинството и идентитетот, тие се црвените линии на Македонија во преговорите со Грција.
Заев вели дека по ова прашање очекува конструктивен пристап од страна на опозицијата и од Претседателот на државата. Тој вели дека ако се успее во оваа работа, тоа ќе биде успех на сите.
Заев вели дека има придвижување во процесот, имало позитивен исчекор во Виена, за кој, како што вели верува дека ќе биде заокружен дополнително на следната средба меѓу министрите Димитров и Коѕијас.