Заев презеде одговорност и ќе води Совет за реформи во администрација
Објавено во: Анализа 20 Декември, 2017 07:19
Премиерот Зоран Заев ќе презеде поголема одговорност на домашна сцена и ќе го води Советот за реформи во јавната администрација кој ќе има задача да работи на подобрување на законската регулатива како и на пронаоѓање на сите слабости во оваа област за која досега имаше бројни забелешки и во извештаите на меѓународните институции. Овој потег доаѓа по критиките на адреса на премиерот Заев дека недоволно учествува во носењето на одлуки за реформи на домашна сцена, па така добар чекор да се види преземање на поголема одговорност по засилената меѓународна агенда.
Совети често се формираат во Владата и тоа не се нови институции туку тела од привремен карактер составени од професионалци, експерти и надворешни членови како и припадници на владините служби и министерства.
Тоа што премиерот Заев ќе го предводи ова тело дава знаци на надеж дека предвидените реформи во јавната администрација ќе бидат квалитетно изработени, од чиста причина што претседателот на Владата треба да биде доволен авторитет за ефикасна, брза и квалитетна работа на самиот Совет.
Претходно да потсетиме дека дојде до голем број на проблеми со Советот за реформи во правосудството особено што дел од експертите и професорите по право се разидоа со мислењата и методите на работа со припадници од Министерството за правда.
Повеќе детали за начинот на кој ќе работи Советот за реформи во јавната администрација очекуваме наскоро, но треба што побрзо да се зафати со решавање на проблеми како нестручноста, превработеноста или несоодветна систематизација на распределба на работни места, како и можностите за намалување на партиските влијанија врз административците и злоупотребите за политички цели.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
КАМЕРИТЕ СЕ БОЈАТ, КРШАТ, КРАДАТ И ФРЛААТ ВО РЕКИ: Еве како поминале камерите на Сејф сити во земјите низ Европа и на Балканот
СДСМ се „пере“ од Груевски – Се враќа ли опозицијата на „антирежимските“ корени
