Заев: Треба да се воведе регистар за лажни вести

Добивај вести на Viber

Премиерот Зоран Заев по големуит број на објавени информации во српските  таблоидни медиуми за аферата „Рекет“ и констатациите дека неговата политичката кариера не при крај, одговарајќи на новинарско прашање, препорача дека треба да се отвори регистар за лажни вести. Ова Заев го рече за време на заедничката прес-конференција со српската премиерка Ана Брнабиќ во Скопје по пуштањето во употреба на One-stop-shop Табановце-Прешево.

- Нашата земја е стопроцентно определени на градење на добри билатерални односи кои секогаш традиционално биле добри со Србија. Нема да дозволиме лажни вести да ги нарушат тие односи. Нашиот народ е поврзан меѓу себе. Тешко ми паѓа кога ги гледам тие лаги и невистини. Но како што рече Ана, светот има голем проблем со нив и ќе мора да најдеме институционални решенија. Знаат да направат непријатели и да зацрнат семејства и да нарушат личен интегритет. Треба да се разграничи критичкото новинарство, кое е многу здраво за демократијата, и лажните вести од друга страна. Новинарските здруженија работат на воведување регистар на фејк-њуз и такви портали, кој што со сигурност би дал резултати за публиката да знае што е лажна вест, наведе Заев.

Брнабиќ рече дека на средбата со Заев главно се разговарало за економски теми, но се согласува дека лажните вести се негативен глобален феномен.

- Со феноменот „Лажни вести“ се бори целиот свет. Тие одземаат многу време, многу енергија и цело време треба да се објаснувате со истите. Ние се трудиме секогаш да се фокусираме на конкретни работи, на подобрување на стандардот на граѓаните. Со подобрувањето на меѓусебната комуникација, тие ќе бидат елиминирани. Ние политичарите треба за нив да побараме еден заедничкли институционален одговор, рече Брнабиќ.

И двајцата политичари се сложија дека ослободувањето на поранешниот припадник на ОБК, Томор Морина, е судска, а не политичка одлука, по неговото апсење во Македонија на барање на Србија преку Интерпол.