Заев: Вакцини од Фајзер ќе стигнат на крајот на март, гарантирам дека како Влада направивме и повеќе од доволно

Добивај вести на Viber

Премиерот Зоран Заев вели дека како Влада направиле и повеќе од доволно за вакцините, но причина што ги нема е што тие недостигаат во целиот свет.

Договорот со Фајзер стигна. До крајот на првиот квартал, односно до крајот на март ќе пристигнат 21.000 дози вакцини, изјави денеска премиерот Зоран Заев.

„Веќе имаме во вториот квартал поголеми количини, третиот и четвртиот се најголемите количини. Не се работи за несериозност, заради тоа што знае целиот свет, знае целиот македонски народ дека единствена причина е недостигот на производство во делот на количините на вакцини за било која вакцина и да се работи. Ние сме мала земја и сакам да го осигурам и да му гарантирам на нашиот народ дека како Влада, како МЗ имаме направено повеќе од тоа што е доволно. Имајќи предвид дека ќе треба еден милион народ отприлика да се вакцинира за да ја постигнеме имунизацијата, за којашто би било потребно да има два милиони вакцини, вие ако ги броите 800.000 Фајзер, 833.000 ковакс механизмот, 400.000 имаме од Кина, 200.000 имаме нарачано од Русија, имаме дополнително од ЕУ согласно грантот од 70-те милиони евра, донациите коишто диполнително ги најавија сите соседи, стигаме до 2 ипол милиони вакцини“, кажа Заев.