Заев во Софија по решение за деблокирање на преговорите со ЕУ
Објавено во: Македонија 17 Јуни, 2021
Премиерот Зоран Заев, утре во Софија ќе разговара за „интензивирање на напорите за изнаоѓање решение за деблокирање на евроинтеграциите на Северна Македонија“, објави владата во Скопје.
Како што беше најавено, премиерот Заев ќе се сретне со претседателот на Бугарија, Румен Радeв, со техничкиот премиер Стефан Јанев и со претставници на најголемите бугарски политички партии.
Во делегацијата на Владата на Северна Македонија со Заев ќе бидат министерот за надворешни работи Бујар Османи и вицепремиерот за европски прашања Никола Димитров.
Заев вчера рече дека има чувство дека проблемот со Бугарија нема да биде решен пред Самитот на ЕУ следната недела, на кој ќе се разговара за можноста за започнување преговори со Северна Македонија, но посочи дека ќе стори се за да се најде решение.
„Имам чувство дека проблемот нема да се реши на 22 јуни затоа што Бугарија има техничка влада и нема парламент, но не е невозможно да се реши. „Нема да биде срамота ако дури направиме успех и склучиме договор што ќе биде верификуван од следната политичка влада и парламентот“, рече премиерот на Македонија.
Заев повтори дека за македонскиот јазик и идентитет не се преговара и дека португалскиот предлог за решение е „на маса“, што е добра основа за преговори.
Во декември 2020 година, Софија го блокираше усвојувањето на Рамката за преговори и почетокот на преговорите со ЕУ со Македонија, но последните недели Скопје, со поддршка на португалското претседателство со ЕУ, неколку земји-членки и Европската комисија, се обидува да најде решение за рамката.
Денешната средба меѓу Заев и Радев ќе биде втора оваа недела, откако тие се состанаа на маргините на Самитот на НАТО, кога беше договорена посетата на премиерот на Северна Македонија.
По втор пат оваа година, граѓаните на Бугарија ќе гласаат на предвремените парламентарни избори, што треба да ги подготви техничката влада на Стефан Јанов. Владата ја назначи претседателот Радев, бидејќи ниту една партија не успеа да формира парламентарно мнозинство по изборите одржани на 4 април.