Запален е Центар за вакцинација во Италија
Објавено во: Свет, Корона Вирус 03 Април, 2021
Центар за вакцинација во Берша, во Италија е запален. Избувнал пожар, но нема повредени. Направена е материјална штета, но не е оштетен делот каде се наоѓа медицинскиот материјал.
Непознати лица утрово фрлиле два молотови коктели и делумно го оштетиле центарот за вакцинација, шатор поставен во центарот на градот за имунизација и тестирање на коронавирус, јави весникот „Ил Фато Котидијано“. Засега не е позната причината за нападот.
Пред две седмици имаше сличен напад на влезот во Вишиот институт за здравство во Рим, институција што ги анализира епидемиолошките мерки и дава упатства за заштита. Италија пред неколку недели надмина 100.000 жртви од коронавирусот.