Започна со работа новиот рудник во Македонија
Објавено во: Економија 13 Декември, 2018
Новиот рудник „Боров дол“ започна со работа во Македонија, откако денеска започна ископот на површинската јаловина како поддршка на „Бучим“ за преработката на рудата во постојната флотација и депонирање во хидројаловиштето.
Со тоа стартуваше првиот ден од процесот на експлоатација, а периодот на прилагодување ќе трае една година, вклучувајќи и изградба на пат од 4,5 километри до „Бучим“ и вкупни инвестиции од 50 милиони евра.
Актуелниот договор е за ископ на 13 милиони тони јаловина о ќе треба постепено да ја заменува работата на „Бучим“, кој има руда за експлоатација од само осум месеци.
Со овој рудник треба да заживее и општина Конче, но и Штип и Радовиш, чии локални управи ќе добиваат и надомест од концесијата што рудникот ќе ја плаќа на државата.