ЗАСЕДА ВО ГАЗА: Палестинците убија најмалку девет израелски војници
Објавено во: Свет 13 Декември, 2023
Во заседа во Газa, Палестинците убиja најмалку девет израелски војници.
Палестинските милитанти ги нападнаа израелските војници во густа населба во Газа, убивајќи најмалку девет од нив, објавија медиумите денеска, додека Хамас пружа силен отпор во областите што Израел ги изолираше и ги напаѓа со воздушни удари повеќе од девет седмици.
Армиското радио соопшти дека војниците кои вчера пребарувале група згради во Шијаџија ја изгубиле комуникацијата со четворица војници кои биле под оган. Тоа предизвика страв од можно киднапирање. Кога другите војници почнале спасувачка операција, Палестинците ги нападнале од заседа.
Меѓу деветте загинати се и полковникот Ицак Бен Басат (44), највисокиот офицер што е убиен во копнената операција, и потполковник Томер Гринберг, командант на баталјон.
Армијата ја потврди смртта, но не одговори на барањето за дополнителни коментари. Неколку израелски медиуми објавија слични извештаи за битката.
Досега загинаа најмалку 18.400 Палестинци, главно цивили, од нападот на Хамас на 7 октомври на Израел. Речиси 85 отсто од населението на Газа од 2,3 милиони луѓе се принудени да ги напуштат своите домови.
Администрацијата на претседателот Џо Бајден постојано го повика Израел да преземе поголеми мерки за да ги поштеди палестинските цивили.
Шефот на израелсдката дипломатија Ели Коен денеска изјави дека неговата земја ќе ја продолжи војната со или без меѓународна поддршка, јави Скај Њуз. Прекинот на огнот, смета Коен, би бил „подарок за Хамас“.
Неколку лидери на Хамас го напуштиле Катар и заминале на непозната локација, пишува весникот Jerusalem Post . Се вели дека ги исклучиле мобилните телефони или едноставно не одговараат на повиците.
foto EPA-EFE/ATEF SAFADI
Можеби ќе ве интересира
ЕДЕН УРАГАН ЈА УНИШТИ АМЕРИКА, ДРУГ СТИГНА ВО ЕВРОПА: застрашувачко предупредување, метеоролозите никогаш не го виделе ова
Блумберг: 14 земји-членки на НАТО ги зголемија трошоците за одбрана на невидено ниво по падот на комунистичките режими
Пилот на Туркиш Ерлајнс почина за време на лет од Сиетл до Истанбул
ФОН ДЕР ЛЕЈЕН ГО НАПАДНА ОРБАН: Го изневеривте унгарскиот народ со приближувањето до Путин
ЗИМСКИТЕ ЦЕНТРИ ПРЕД ЗАТВОРАЊЕ: Недостигот на снег го менува туризмот во Алпите
„КИРК“ ДОАЃА ВО ЕВРОПА: Ќе предизвика значителни последици
ПОРАНЕШНИОТ ШЕФ НА МИ6, АЛАСТЕР КРУК, „Израел станува сè послаб и трпи големи загуби, Иран испрати јасна порака до САД“
ЕВЕ КАКО ИЗГЛЕДА АПОКАЛИПТИЧНИОТ „МИЛТОН“ ОД ВСЕЛЕНАТА: „Американци, спасувајте се - веднаш!“
ПАСОШ ВО ВАШИОТ ТЕЛЕФОН: Побрза и поедноставна гранична проверка - се воведуваат нови дигитални документи
