Добивај вести на Viber
Градоначалникот на општина Гази Баба, Бобан Стефковски соопшти дека починал Ацо Петрушев, жител на Железара, но и познат член на партијата.
„Со жалење ја примив веста за прераната смрт на Ацо Петрушев.
Ацо беше човек кој неизмерно ја сакаше својата Железара во која што живееше и лично се вложуваше во реализацијата на секој проект, градба и решение на било кој проблем со кој се соочуваат жителите од Железара.
Ацо ќе остане запаметен и по својата улога во иницијативата за изградбата на Црквата Сретение Господово која се гради во Железара и истиот беше организатор на традиционалниот коледарски оган кој се оддржува во населбата повеќе децении.
Беше член и активист на ВМРО-ДПМНЕ, заедно работевме на последната кампања за претседателските и парламентарните избори, а во минатото истиот беше и Советник во Советот на општина Гази Баба.
Железара загуби голем активист, а сите ние пријател, другар и професионален соработник.
Искрено сочувство до неговото семејство! Неговите дела за населбата, нема никогаш да се заборават! Нека почива во мир!“, напиша тој на фејсбук.