Земјоделското земјиште најевтино во Хрватска, најскапо во Холандија, поевтинува само во Грција

Добивај вести на Viber

Земјоделското земјиште во Хрватска е најевтино во Европската унија и повеќе од 20 пати поевтино отколку во најскапата Холандија, покажуваат податоците на Европската статистичка служба - Евростат.

Купувачите морале да платат дури 69.632 евра по хектар земјоделско земјиште во Холандија во 2019 година, а Еуростат додава дека сите холандски региони се над просекот на другите земји од ЕУ. Хрватска има најевтино обработливо земјоделско земјиште, со просечна цена по хектар од 3.440 евра во 2020 година.

Од 2011 до 2020 година, цените на земјоделското земјиште најмногу пораснале во Романија и Чешка, повеќе од пет пати, откри Еуростат.

Цената по хектар во Естонија и Литванија, исто така, нагло се зголеми во текот на изминатата деценија, околу 3,5 пати, иако сè уште е меѓу најевтините во Унијата. Тој е повеќе од двојно зголемен во Бугарија, Унгарија и Полска.

Земјиштето станало поевтино само во Грција, за 18 отсто во 2020 во споредба од претходното истражување во 2011 година.

Закупнината на обработливо земјоделско земјиште е најскапа во Италија, каде во просек изнесувала 837 евра по хектар годишно. Блиску е и Холандија со просечни 819 евра годишно.

Најниска цена за изнајмување забележала Словачка, од само 57 евра, покажуваат податоците на Евростат.