„ЗГРОЗЕНИ ОД КАРЛЕУША, НО ТУРБОФОЛКОТ НАПРАВИ ПОВЕЌЕ ЗА ЖЕНСКАТА ЕМАНЦИПАЦИЈА ОД НЕВЛАДИНИТЕ“ - Божидар Божиновски за реакциите
Објавено во: Македонија 20 Октомври, 2024
Божидар Божиновски ја коментира негативно, како што вели, „згрозеноста“ на дел од граѓаниве од вчерашниот настап на Јелена Карлеуша.
„Згрозени од жена по гаќи ко од иcиc да сте… Ако сака Карлеуша може и гола да пее и кој сака може да ја слуша, тоа е само личен избор. Ние шо не ја слушаме не сме нешто подобри од тие шо ја слушаат, то е само културен снобизам. А турбофолкот направи повеќе за женската еманципација на Балканот од која е да е друга музика и секакви невладини и разни акции за кукање како не чини. Ги внесе во кафана жените, која беше долго време само машки простор, во музиката доминираана од мажи ги донесе и првите големи женски ѕвезди. Жената од пасивна улога, да се пишуваат само песни за неа, се стави во активна улога - да пишува за себе, чувствата и искуствата низ кои минува, а со тоа и други да се поврзуваат со тие песни“, пишува Божиновски.