29 Март, 2024
0.0252

Жерар Депардје гради нов дом- во руско село!

Објавено во: Стил 19 Јануари, 2013

Добивај вести на Viber

Жерар Депардје си гради куќа во Подмосковјето. Тој веќе купил градежна парцела од 2 декари, кој чинела околу 130 000 долари, пишува „Комсомолска правда". Францускиот актер со руски пасош го исполни своето ветување дека повеќе нема да живее во бучните метрополи. Новиот дом го прави во селото кое е  оддалечено околу половина час возење од аеродромот „Домодедово".  Весникот тврди дека изборот на локација не е случаен. Ова село се смета за место со начист воздух во Подмосковјето. За жителите на селото работи селска задруга која произведува еколошки чисто месо, зеленчук и млеко. Има и одгледувачница за риба. Затоа и не е чудно што Депардја одби да се насели во мордовската престолнина Саранск, каде што му понудија и луксузен државен стан. Мордовија е позната по својата неповолна клима и затворски кампови, коментира АФП.