(ЖИВО) Украинската криза удри и на националната валута, истекува ултиматумот за Јанукович

Добивај вести на Viber

Освен од немирите на улиците на Киев, Украинците стравуваат и од една друга криза - онаа која и се заканува на националната економија. Стабилноста на украинската гривна, која инаку е врзана за американскиот долар, се толкува како показател на економската и политичката стабилност на земјата. Но, новото насилство на протестите предизвика значително ослабнување на националната валута. Така вредноста на украинската гривна вчера се намали 11-ти ден по ред, достигнувајќи го најниското ниво од 2009-та година. Само од декември, гривната загубила три проценти од вредноста во однос на доларот. На удар се и украинските обврзници, како одраз на загриженоста на инвеститорите од информациите за први жртви на протестите во Киев. „Ситуацијата се повеќе станува хаотична, се потешко може да се предвиди“, вели економистот Владимир Пантјушин за „Фајненшел тајмс“. Тој потсетува дека во периодот на неизвесните избори во 2012-та година, Украинците ги преполнија банките за да купуваат долари, а сличен тренд може да предизвика и сегашната нестабилност што дополнително ќе ја оптовари гривната. Сепак, заменик-гувернерот на Националната банка на Украина Олексиј Ткаченко во вторникот се обиде да ја смири загриженоста во јавноста за судбината на националната валута, изјавувајќи дека „разумот на народот ќе ја спречи паниката, која е штетна и за банките и за штедачите“. Најголемиот пад украинската гривна го доживеа во 2008-та година, кога земјата го почувствува ударот на глобалната финансиска криза. Украинската валута тогаш девалвираше за цели 40%, што беше уништувачки за домаќинствата кои имаа кредити во странска валута. Во меѓувреме, Киев помина исклучително тензична ноќ. Истекува времето од ултиматумот кој опозиционерите му го дадоа на претседателот Виктор Јанукович, а на улиците на главниот украински град и натаму горат барикадите. http://www.youtube.com/watch?v=jrZcAsPKK74#t=812050 Според украинското Министерство за внатрешни работи, во текот на ноќта биле уапсени 75 лица заради нивното учество во немирите. Опозицискиот лидер Виталиј Кличко за денеска напладне повика на генерален штрајк како последно предупредување за Јанукович. Во текот на денот опозициските лидери уште еднаш треба да се сретнат со украинскиот претседател. Доколку Јанукович не го испочитува ултиматумот и до вечер не се повлече, опозицијата најавува „офанзива“. Русија најави дека намера да интервенира и покрај загрижувачкиот развој на настаните во Украина. Дмитри Песков, портпарол на рускиот претседател Владимир Путин, изјави дека Москва со огромно ја следи ситуацијата, но оти е уверене дека украинскиот претседател Јанукович ќе го најде најдоброто можно решение за работите да се вратат во нормала.