ЖИВОТОТ ЛАНИ НИ ПОСКАПЕЛ ЗА НАД 14 ПРОЦЕНТИ - Статистика ја измери годишната инфлацијата

Добивај вести на Viber

Државните статистичари ја измерија годишната инфлација за минатата година. Таа изнесува 14,2 проценти - говорат најновите податици на Државниот завод за статистика. 

Ова следува откако во 2021 година земјава имала стапка на инфлација од само 3,2 проценти. 

Ако сакаме да заеме колку изнесувала декемвриската инфлација, таа била на ниво од 18,7 проценти во споредба со истиот месец претходната година, што значи дека се уште имаме силен инфлациски притисок во државава и високи двоцифрени стапки на инфлација. 

Само за илустрација, во ноември лани инфлацијата изнесуваше 19,5 отсто, што значи дека во земјава многу бавно, или речиси воопшто не се спушта инфлациската стапка, како што беше примерот со другите европски држави. 

Ако е за мала утеха, во декември во однос на претходниот месец во однос на ноември, трошоците на живот се намалиле за минорни 0,2 проценти. 

Што најмногу поскапело? 

Она што најмногу ги засега граѓаните, а тоа е храната и безалкохолните пијалоци, лани поскапеле за цели 20,9 отсто,  што значи дека исхраната поскапела за дури една петтина. 

Огромно поскапување има и кај транспортотот, и тоа од 19,5 проценти.

Додека домувањето, водата, електричната енеригја, гасот и другите горива се поскапени за 13,3 проценти. 

За 11,5 отсто поскапеле услугите на рестораните и хотелите, а за 8,6 отсто било поскапо набавувањето на мебел, покуќнина и редовното одржување во домаќинствата.