Зошто ЕСМ плати 2 милиони евра за струја која на берза чини 800.000 евра поевтино?
Објавено во: Економија 29 Декември, 2022
За периодот од понеделник до денеска ЕСМ за струја купена од трговци плаќа 2 милиони евра. Да ја купеше оваа количина на берзата ХУПЕКС оваа струја ќе чинеше 800.000 евра поевтино. Ако не се откажани нарачките ќе превземе ли некој нешто?
Државната компанија ЕСМ набави струја за која плати 800.000 евра поскапо од сумата што би ја платиле ако електричната енергија ја купиле по цените на унгарската берза ХУПЕКС. Струјата е набавена за четири дена од понеделник, 26 декември годинава, па до денеска (29 декември 2022 година).
На овие две набавки ЕСМ, кои се објавени на нивната веб страница ЕСМ, од три трговски компании нашиот државен производител набави 12.240 мегаватчасови електрична енергија.
Доколку ја набавеше оваа количина електрична енергија по цени од берзата ХУПЕКС ЕСМ ќе платеше 800.000 евра помалку од сумата што вкупно е платена на овие компании.
За да биде целосен контекстот на овој „подвиг во справувањето со енергетската криза“ цената што ЕСМ ја плаќа за струјата за овие четири дена изнесува 2,02 милиони евра. Односно 40 отсто поскапо од берзанската вредност на струјата.
За воља на вистината во оваа цена трговците со струја ги вкалкулирале и своите трошоци за членство на берза, за закуп на преносен капацитет и други давачки. Но сепак овие четири дена тие имаа одлична „мрсна“ заработка која е бруто разлика од 40 отсто од референтната цена на ХУПЕКС и продажбата цена за ЕСМ.
Ова е уште еден резултат од работата на менаџментот на ЕСМ, во справувањето со енергетската криза. Само за потсетување ЕСМ во периодот ноември – декември годинава не може да вклучи по производство ниту половина од инсталираниот капацитет на трите блока во РЕК Битола и на ТЕЦ Осломеј...
Министерот Бектеши одби да даде коментар за успешноста на менаџментот на ЕСМ, откако објавивме дека во ноември тимот предводен од Васко Ковачевски, во просек, успеал да ативира „дури“ 37 отсто инсталираниот производен капацитет на четирите термоблокови за производство на струја со кои располага ЕСМ. Бектеши, иако оперативно го координира работењето на ЕСМ, не упати да се обратиме во Владата која била акционер на државната производна компанија.
ЕСМ вчера ја откажа последната набавка на струја за испорака за денеска иако цената на ХУПЕКС падна на 75 евра за мегаватчас.
„Фактор“ во интерес на целосно и објективно информирање на јавноста праша дали се откажани нарачките наведени во табеларните прегледи подолу. Доколку добиеме одговор ќе го објавиме.
Извори на информациите:
- за цената на референтната берза https://hupx.hu/en/
-за аукциии на ЕСМ https://www.esm.com.mk/?p=14783
Еве ги деталите од набавката на ЕСМ во табелите подолу:
Струја купена од трговец „Данске Комодитис“
Р.Ф.
foto freepik.com/Ansarrio
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ТЕСЛА ОСТАНУВА ЛИДЕР ВО ИНДУСТРИЈАТА НА ЕЛЕКТРИЧНИ АВТОМОБИЛИ - сепак, кинеските производители им дишат во врат
Нова платформа за дијалог и идеи: Започна подкастот „Бизнис клуб“ со Бранко Азески
„РАБОТИМЕ СО ОНА ШТО ГО ИМАМЕ, ПРАВИМЕ СЀ ЗА ДА ОБЕЗБЕДИМЕ СТРУЈА ЗА СЕКОЈ ДОМ“ - еве што и кажал работник со 40 годишно искуство на министерката Божиновска
КОЛКУ ЌЕ ПОСКАПИ СТРУЈАТА - граѓаните ја очекуваат утрешната одлука на Регулаторната комисија за енергетика
СИТЕ ИМ ВЕЛЕА ДЕКА ЌЕ ПРОПАДНАТ, А ПОТОА СТАНАА КОЛОСАЛЕН ХИТ НА ПАЗАРОТ - еве ја приказната на познат јапонски инженер
ОВАА ЖЕНА ЗАРАБОТУВА НАД 70.000 ДОЛАРИ ПРЕКУ ЕДНА ОД НАЈБАРАНИТЕ РАБОТИ ВО САД - еве како изгледа еден нејзин работен ден
ВЕСТИ ОД ГЕРМАНИЈА: До 2030 година се планираат дури 10.000 возила без возачи
ИНА ОВАА ГОДИНА Е НАЈПРОФИТАБИЛНА РЕГИОНАЛНА НАФТЕНА КОМПАНИЈА - еве како работеа другите нафтени играчи
