Зошто се зголемува дефицитот, наместо да се намалат непродуктивните расходи?
Објавено во: Економија 22 Август, 2016 09:13
Со усвоениот ребаланс на Буџетот пред три месеци, Владата посегна по кратење на капиталните инвестиции, додека од друга страна ги зголеми расходите за социјални транфери и за плати и надместоци, а се зголеми и ставката за отплата на камати по основ на долгови.
Вториот ребаланс на Буџетот 2016 година, пак, од август 2016 година ја рефлектира новонастанатата состојба на потреба од трошења за санирање на последиците од природната катастрофа што го зафати Скопскиот регион во истиот месец.
„Притоа, ребалансот го зголемува износот на "стоки и услуги" за околу 2 милијарди денари, чие финансирање е предвидено преку зголемување на дефицитот, наместо преку кратење на други тековни трошоци.
Проектираниот дефицит на буџетот за 2016 година се искачува на 4% од БДП“ се вели во известувањето на Фајнанс тинк.
Според податоците дополнителните 2 милијарди денари ќе се обезбедат од депозитните сметки на владата, кои претходно се дополнија со износот на еврообврзницата во износ од 450 милиони евра. За експертите е нејасно зошто Владата не влезе во кратење на некои непродуктивни расходи, и така да дојде до пари за оштета на поплавените туку мораше повторно да се задолжува.
Постојат редица на проекти што трпеа одложување, пред се од проектот Скопје 2014 сметаат експертите.
Вака само ќе се зголемат отплатите на камати за нови кредити, а македонската економија тоа тешко може да го издржува.
Со претходно ребалансираниот Буџет, Владата најави повлекување на кредитни средства за исплата на обврски произлезени од изградбата на Коридорот 10 па така, во буџетот се наведе:
“Обезбедување на дополнително повлекување на кредитните средства за навремена исплата на обврските кои произлегуваат од интензивната градба на Коридорот 10“.
Повеќе пари ќе има за проектот гасификација, но во исто време ги намали средствата на пример за изградба на хидросистемот Злетовица, потоа намалување има и кај капиталната ставка “Инвестиции во железничката инфраструктура“, за Слободните економски зони, за изградба на дел претходно планираните водоводни и канализациони мрежи како и за за реконструкција и доградба на објекти на Јавните здравствени установи.
Со ребаланс на Буџетот, годинава капиталните раходи се намалија на 366,6 милиони евра. Во првичниот Буџет, оваа ставка беше позиционирана на 412,1 милион евра и во однос на оваа проекција, реализацијата на капиталните расходи заклучно со првата половина од годинава изнесуваат 24,2%.
Можеби ќе ве интересира
Побарувачката за сребро ќе расте - кои земји имаат најголеми резерви?
Побарувачката за сребро ќе расте - кои земји имаат најголеми резерви?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
Запленетите акции на Сашо Мијалков во Алта банка ставени на продажба
