Зошто Швеѓаните мислат дека „во секое зло“ има економска добивка?
Објавено во: Економија, Свет 24 Декември, 2015
И покрај сите проблеми Шведскиот Национален институт за економски истражувања предвидува дека економијата на земјата и во 2016 година силно ќе расте. Прогнозите на шведските институции изненадија многумина економисти, но некои од нив укажуваат на фактот дека „нешто што изгледа како црн облак, всушност може да биде сребрена нишка“.
Ова се некои од слабостите на шведската економија за кои експертите мислат дека може да допринесат на позитивни економски движења.
Бегалска криза
Додека шведските власти се борат со приливот на емигранти во земјата, економистите сметаат дека бегалците ја јакнеат економијата.
„Неопходно е да се обезбеди сместување, здравствена заштита и уште многу работи за луѓето кои доаѓаат во Шведска. Тоа значи поголема побарувачка за сите тие работи и поголема потрошувачка“, велат експертите.
Криза на стамбениот простор
Шведска се бори со недостатокот на стамбени кредити. На социјален план во Стокхолм се чека повеќе од 8 години. Експертите велат дека тоа е уште една „Криза“ од која економијата ќе има корист на долг рок, бидејќи растат вложувањата во недвижнини, а тоа ја зајакнува економијата.
Глобална економија
Тука е важен домино ефектот, што значи дека ако другите големи економии напредуваат, и останатите ќе имаат корист од тоа. Кога се во прашање САД и ЕУ, тука е евидентен напредокот. Проблемот е во бавниот раст на Кина, што би можело негативно да се одрази на глобалната економија.
Ефтина круна
Одлуката на централната банка да ја намали референтната камата на рекордни нивоа, минус -0,35 одсто, ја ослабна вредноста на шведската круна во однос на водечките светски валути. Меѓутоа, економистите сметаат дека ефтината круна има и свои предности во секторот на туризмот и привлекување на странските туристи.
Ниската каматна стапка значи дека Швеѓаните полесно ќе посегнуваат по своите паричници. Чуството дека може повеќе да трошат создава самодоверба кај потрошувачите , а тоа е важен предуслов за раст не економијата во целина, сметаат шведските економисти.