11 Мај, 2021
0.0268

Кој го купи мега атрактивниот имот на „Технометал Вардар“ на улица „Македонија“?

Објавено во: Економија 08 Јули, 2020

Позната скопска еснафска и богата фамилија од албанско етничко потекло е новиот сопственик на најголем дел од деловниот простор на „Технометал Вардар во стечај“.

Една од трите најголеми банки во земјава дала одобрение за продажба на илјадници квадратни метри деловен простор на на најпрестижната скопска улица „Македонија“, дознава „Фактор“ од банкарски извори.

Иако засега никој не ја потврдува официјално оваа информација станува збор за продажба на најголем дел од вкупниот деловен простор на поранешниот трговски гигант „Технометал Вардар“ (поточно деловната зграда на компанијата на завзема речиси половина од десната страна на улицата „Македонија“ во правец на Старата железничка станица).

Дознаваме дека купувач на имотот на „Технометал Вардар во стечај“ е сопственик на елитен хотел во Старата скопска чаршија и дека станува збор за голема фамилија познати златари од албанско етничко потекло. 

Засега нема детали за тоа колку е продаден имотот или пак истата банка кај која била хипотеката врз имотот на „Техниметал Вардар“ сега ќе отвори нова кредитна партија на друго правно лице со нова хипотека односно залог врз друг неоптоварен имот што го поседува новиот купувач.

Како што веќе пишувавме некогашниот алфа и омега на македонскиот увоз и извоз, мастодонт на трговијата и извозот на најценетите македонски стоки од кој произлегоа мноштво успешни и помалку успешни бизнисмени е во клиничка смрт.

„Технометал Вардар“ е компанија за која е отворена стечајна постапка која беше иницирана од членовите на органите на управува што само по себе укажува во каква состојба била компанијата и дека немало перспектива за избегнување на најцрното сценарио.

Акцијата на „Технометал Вардар“ е симната од тргување на Македонската берза, а компнијата воопшто не е во листингот на компании кои се објавуваат во регистрите на компании чии акции се тргуваат на Македонската берза за хартии од вредност. Воедно „Технометал Вардар“ повеќе не е дел од базата податоци на Централниот депозитар за хартии од вредност.

Технометал-Вардар“ е компанија специјализирана за трговија која во минатото беше синоним за македонскиот извоз. Во осумдесетите години од минатиот век оваа фирма настана со фузија на компаниите „Технометал“ и „Вардар“. „Технометал Вардар“ е позната по тоа што поседува или поседуваше околу 8.500 квадратни метри во строгиот центар на Скопје и го издаваше под наем (објектот е на улица „Македонија“. Воедно оваа компанија поседува и дворно место од 1.250 квадратни метри во центарот на Скопје и уште 1.243 квадратни метри под објект. 

Р.Ф.

Можеби ќе ве интересира

Горивата од денес ги плаќаме по овие цени

Горивата од денес ги плаќаме по овие цени

Бектеши: Свадби на крајот на мај или почетокот на јуни

Бектеши: Свадби на крајот на мај или почетокот на јуни

Владата следната година ќе треба да најде 83 милиони евра за резервно гориво

Владата следната година ќе треба да најде 83 милиони евра за резервно гориво

Интервју Серафимовски од "Гранит": Од седум експресни патишта на кои се работи, само еден го гради домашен конзорциум

Интервју Серафимовски од "Гранит": Од седум експресни патишта на кои се работи, само еден го гради домашен конзорциум

Кој е „ексклузивниот“ акционер чии акции „Уготур“ ги плати двојно поскапо од последната пазарна цена?

Кој е „ексклузивниот“ акционер чии акции „Уготур“ ги плати двојно поскапо од последната пазарна цена?

ВЛАДАТА УШТЕ НЕ МУ НАШЛА НАСЛЕДНИК - Пауновски го чека решението за разрешување и ќе се пријави за старото работно место во тетовската УЈП

ВЛАДАТА УШТЕ НЕ МУ НАШЛА НАСЛЕДНИК - Пауновски го чека решението за разрешување и ќе се пријави за старото работно место во тетовската УЈП

Ме држат на „црно“ се дури не најавам дека ќе си заминам: Македонија никако да стави крај на ваквото работење

Ме држат на „црно“ се дури не најавам дека ќе си заминам: Македонија никако да стави крај на ваквото работење

ПОТРЕБНИ СЕ ПОВЕЌЕ ПАРИ: Mинималната кошничка поскапе

ПОТРЕБНИ СЕ ПОВЕЌЕ ПАРИ: Mинималната кошничка поскапе

СКОКААТ ЦЕНИТЕ НА ГОРИВАТА: Еуросупер БС-95 оди нагоре за 1,5, другите горива за еден денар

СКОКААТ ЦЕНИТЕ НА ГОРИВАТА: Еуросупер БС-95 оди нагоре за 1,5, другите горива за еден денар