15 Септември, 2019
0.0228

Што треба да знаеш па да вложиш 115.000 евра за грст акции во „Макошпед“?

Објавено во: Финансии 08 Февруари, 2018

Некој или некои инвестира(ат) 115.000 евра во кеш за да купи помалку од 4 отсто од акциите во „Макошпед“. Оваа компанија три години наназад не поделила дивиденда, во континуитет ја губи својата пазарна позиција, вложи над 1 милион евра за помалку од една година во акции на „Фершпед“. Во оваа 2018 година менаџерите очекуваат приходи по сите основи кои се пониски од еден милион евра. Која е логиката да „опрчиш“ 115.000 евра за 4 отсто од акциите во фирма која очекува добивка пред оданочување помала од 10.000 евра???

Во две блок трансакции на почетокот на оваа берзанска седмица беа истргувани вкупно 31.300 акции на шпедицијата „Макошпед“ што преставува вкупно 3,9 отсто од сите акции со право на глас во таа компанија. Сите акции беа тргувани по единствена цена од 226 денари за акција. Во првата трансакција поминаа 12.700 акции, а во втората 18.600 акции. 

Овие две трансакции се случуваат во исто време (два-три дневна временска рамка) во која: прво, долгогодишниот прв човек на „Макошпед“ Коста Младеновски се повлекува од функција неизвршен член во Одборот на директори на фирмата и второ „Макошпед“ повторно купува акции во „Фершпед“ и за тоа платил околу 100.000 евра.

Има ли економска логика да вложуваш пари во микро пакет акции во фирма што не дели дивиденда со години и губи пазарна позиција?

На ова прашање индивидуално интимен одговор има секој инвеститор на берзата. Одговорите можат да бидат дијаметрално спротивни врз основа на тоа дали се работи за очекување од вложување економска логика. Ако некој очекува тектонска промена со таа акција или има инсајдерска информација за тоа тогаш би вложил толку пари во акција што со години наназад нема никакви финансиски забележителни резултати. Спротивно на тоа економската логика вели дека е има ризик да купиш акции во фирма која: со години не дели дивиденда, не го зголемува пазарното учество туку се бори да го одржи на некакво статус кво и  декларира дека годинава ќе ја заврши со добивка пред оданочување што е помала од 10.000 евра. Но, секој има право да прави што сака со сопствените пари.

Повеќе за параметрите на „Макошпед“ може да прочитате на следниот линк.

Многу е значајно да напоменеме дека е можно денеска или утре да прочитате ценовно-чувствителна информација за промена во акционерската структура во „Макошпед“ доколку еден поголем акционер продал дел од своите акции. Тоа би било токму денеска зашто рокот на порамнување на купопродажбата е Т+3 (денот на трансакција + 3 работни дена). 

Р.Ф.

Можеби ќе ве интересира

Како од една билка овој Србин направил бизнис вреден злато

Како од една билка овој Србин направил бизнис вреден злато

Како е да се живее во Норвешка: Плата од 2.500 евра, но државата веднаш зема 35 проценти

Како е да се живее во Норвешка: Плата од 2.500 евра, но државата веднаш зема 35 проценти

ЌЕ ДОБИЕТЕ 25 000 ЕВРА ДА СЕ ПРЕСЕЛИТЕ ОВДЕ: Понудата е од соништата, а регионот прекрасен

ЌЕ ДОБИЕТЕ 25 000 ЕВРА ДА СЕ ПРЕСЕЛИТЕ ОВДЕ: Понудата е од соништата, а регионот прекрасен

Како бугарски стартап ја доби првата венчр капитал обврзница од 18 милиони евра?

Како бугарски стартап ја доби првата венчр капитал обврзница од 18 милиони евра?

ВРАБОТУВААТ И ПЕНЗИОНЕРИ: Им нудат работно време од четири часа

ВРАБОТУВААТ И ПЕНЗИОНЕРИ: Им нудат работно време од четири часа

САКААТ ТУКА ДА ОСТАНАТ: Балканска земја е рај за работници од Непал

САКААТ ТУКА ДА ОСТАНАТ: Балканска земја е рај за работници од Непал

Вардар и Шкендија во „минус“ и со парите од УЕФА

Вардар и Шкендија во „минус“ и со парите од УЕФА

ЗЕМЈА КОЈА Е РАЈ ЗА РАБОТНИЦИ: Можеш да дојдеш 3 часа порано на работа, а можеш да работиш и од викендица

ЗЕМЈА КОЈА Е РАЈ ЗА РАБОТНИЦИ: Можеш да дојдеш 3 часа порано на работа, а можеш да работиш и од викендица

Миксетата 115 илјади евра, шанкот 70 илјади, најскапиот микрофон милион денари во Национална филхармонија

Миксетата 115 илјади евра, шанкот 70 илјади, најскапиот микрофон милион денари во Национална филхармонија