1,7 милијарди евра од Русија за Србија, Путин великодушен кон Николиќ!

Добивај вести на Viber

Русија и Србија потпишаа декаларација за заедничко партнерство, со која ќе се продлабочуваат економските односи меѓу земјите, и ќе се јакне стабилноста во регионот.  Москва ќе го финансира српскиот дел од „Јужен тек“ во износ од 1,7 милијарди евра и е подготвена во наредниве години да вложи уште 1,5 милијарди евра. Претседателот Путин после разговорот со претседателот на Србија, Томислав Николиќ, најави дека „Јужен тек“ ќе стане реалност. „Изградбата на српскиот дел е предвидена за крајот на оваа година, вкупната вредност е 1,7 милијарди евра, а руската страна во целост го презема финансирањето“, изјави Путин. Путин додаде и дека руската компанија во наредните неколку години планираат да вложат уште 1,5 милијарди евра во проектот“. Според зборовите на Томислав Николиќ, има голем потенцијал за раст на економската соработка од страна на двете земји, посебно во областа на земјоделството. Николиќ изјави дека Србија активно е вклучена во обновата на српското земјоделство, во привлекувањето на странски инвестиции за да може економијата на земјата да биде конкурентна и да има доволно стоки за да го снабдува големиот руски пазар.