10.000 ДОЛАРИ ЗА 10.000 ЧЕКОРИ: Фитнес компанија дава богата награда, а се намалува и ризикот од деменција

Добивај вести на Viber

Фитнес компанијата GimBird, бара еден среќник кој ќе изоди 10.000 чекори во еден ден за 10.000 долари.

На кандидатите им се нуди можност да тренираат еден месец додека не се чувствуваат доволно удобно да одат 10.000 чекори во еден ден. Лицето кое ќе биде избрано ќе добие паметен часовник од компанијата за да го следи напредокот. Од компанијата очекуваат избраниот кандидат да го споделува своето искуство насоцијалните мрежи во текот на месецот со една објава неделно, охрабрувајќи ги другите луѓе да пешачат почесто.

За да учествувате во овој уникатен предизвик, мора да аплицирате до 19 јули 2023 година. Кандидатитетреба да имаат најмалку 18 години, да се државјани на САД, да снимаат видео од две минути секоја недела и да пишуваат преглед на крајот од секоја недела.

Нешто помалку од 10.000 чекори секој ден може да го намалат ризикот од деменција за 50 проценти, покажуваат истражувањата. За секои 2.000 чекори што ги пешачите дневно, можете да го намалите ризикот од рак, срцеви заболувања и прерана смрт за 10 проценти.

И сè повеќе компании имаат за цел да им дадат приоритет на благосостојбата на своите вработени. GimBird верува дека е важно да се охрабрат луѓето да ги движат своите тела и да останат активни. Фитнес компанијата се надева дека во иднина ќе понуди повеќе „достапни, високо платени работни места поврзани со фитнес“, изјави коосновачот на GimBird, Ешли Волтон за CNBC Make It.