130 ромски семејства добија заем за легализација на домовите во Прилеп
Објавено во: Македонија 25 Септември, 2013
Со потпишување нови 12 договори се заокружи бројката од 130 ромски семејства од Прилеп на кои им е обезбеден 18-месечен заем за покривање на трошоците за легализација на нивните домови, преку проектот „Легализација за домување на Роми“ што го спроведува невладината организација „Хабитат“.
Проектот почна од 2012 година, а рокот за негова крајна реализација е 2015 година, до кога е предвидено 280 ромски семејства од општина Прилеп да добијат финансиска, административна и техничка помош за легализација на нивните домови.
Со овој проектот се очекува значително да се зголеми бројот на Роми, сопственици на домови и да обезбеди посигурна иднина за голем број на ромски семејства.