3.300 евра чини идејата за барокната фасада на Владата?!

Добивај вести на Viber

Идејното дело на архитектите Жарко Чаушевски и Филип Богатинов за барокната фасада на Владата чини 200.000 денари, односно 3.300 евра.  покажуваат податоците од Бирото за јавни набавки. Жарко Чаушевски, досега победи на неколку конкурси на Владата и Градот Скопје, како што се идејните решенија за зградата на ЕЛЕМ спроти хотелот „Бристол“, почивалиштето на македонската музичка ѕвезда Тодор Проески во Kрушево, а во следните 5 месеци ќе треба и да изработи основен проект со вклучена ревизија за реконструкција на фасади на постојни објекти во централно градско подрачје на градот Скопје на улиците „Македонија“ и “Димитрие Чупоски“. Зад архитектот Чаушевски  и Богатинов стои Трговското друштво за производство, трговија, инженеринг и градежништво Архитектоника ДООЕЛ од Скопје. Во јануари минатата година мнозинството граѓани преку интернет анкета изгласаа „нео класична“ Влада, едно од петте идејни решенија. Зад победникот застанаа 9.122 гласа, односно 32% од анкетираните чиешто мислење Владата го зеде предвид. Владата понуди пет идејни решенија за тоа како може да изгледа фасадата на Илинденска-грчко-римски, модерна, барокна, футуристичка или пак, комбинација на модерно и рустично. Вкупниот број на гласови на анкетата изнесуваше 28. 552. Освен првото решение, значителна подршка од 7.014 гласови доби и решението кое најмногу наликува на сегашното, односно околу 25% од гласовите. К.П