5, 8 Милиони евра за набавки без тендер!

Добивај вести на Viber

Вредноста на склучените договори преку постапки со преговарање без претходно објавување на оглас во вториот квартал од 2012 година изнесува 5,8 милиони евра, покажа најновиот извештај на Центарот за граѓански комуникации. Во период од април-јуни годинава склучени се 213 договори преку постапката со преговарање без претходно објавување на оглас во вкупна вредност од околу 359 милиони денари (5,8 милиони евра). Вредноста на овие постапки е двојно помала од првиот квартал годинава, но и во однос на истиот период лани, се вели во извештајот кој нотираше низа недоследности во хавните набавки. Констатирани се, меѓу другите, следниве наоди: - Најголеми проблеми со кои се соочуваат во јавните набавки, според анкетата на фирмите, се доцнењето на институциите со исплата на реализираните набавки, фаворизирачките и нејасни тендерски документации, како и нереално поставените и тешко остварливи критериуми за учество на фирмите на тендерите. - Евидентирани се низа слабости во изборот на елементите според кои државните институции ги евалуираат добиените понуди од фирмите. Фокусот, меѓу другото, наместо на понудите се става на понудувачите со што се загрозува основната цел на тендерите – за потрошените буџетски пари да се добие најдобрата вредност. - Поништувањето на постапките за јавни набавки повторно е во подем. Во мониторираниот примерок од овој квартал поништени се 30% од постапките за јавни набавки. - Иако најавена, законски задолжителната е-аукција не била одржана во 45% од мониторираните постапки. Извештајот од мониторингот во кој, покрај наодите и препораките за надминување на констатираните слабости, се содржани и истражување на 220 фирми и анализа на жалбените постапки. Во јавните набавки на годишно ниво се вртат околу 800 милиони евра.