55-то место за Македонија според придонесот кон планетата и човештвото

Добивај вести на Viber

Македонија се најде на 55-то место во новиот индекс наречен "Индекс на најдобрите земји" (Good Country Index), кој го мери придонесот на 125 држави кон планетата и човештвото. Идејата зад индексот е прилично едноставна - тој има за цел да го измери придонесот на секоја земја кон општото добро за човештвото, како и со што го казнува. Базирајки се на 35 одделни индикатори од ОН, Светска банка и други меѓународни институции, индексот и одредува на секоја земја конкретно место и рамнотежа која покажува дали таа е "нето кредитор" на човештвото "бреме за планетата" или нешто помеѓу. Целта на индексот е да разгори глобална дебата за значењето на државите, објаснува неговиот творец Симон Анхолт. "Дали тие постојат само за да им служат на интересите на политичарите, бизнисот и граѓаните или активно работат во интерес на целото човештво и планета?", Прашува тој. Ова е важна дебата, бидејќи ако е точен првиот одговор, имаме сериозен проблем, истакнува Анхолт. Индексот не ги мери активностите на одделни земји во рамките на нивните граници, бидејќи има доволно истражувања на оваа тема, туку се фокусира на прашањето како земјите можат да постигнат рамнотежа меѓу обврските кон своите граѓани и одговорноста кон светот како целина. "Најдобрата земја во светот" е Ирска, покажува индексот, следена е од Финска и Швајцарија. Топ 10 групата се надополнува со Холандија, Нов Зеланд, Шведска, Велика Британија, Норвешка, Данска и Белгија во овој ред. На дното на листата се Ирак, Виетнам и Либија. Македонија има средно добри позиции за придонес во областа на науката и технологијата (33-то место) и културата (55-та), додека најмногу заостанува во заштитата на планетата и климата (119-то), придонесот кон меѓународниот мир и безбедност (82 - ра), најдобро стоиме во областа на просперитетот и еднаквоста (20-ти). Пред нас на листата од регионот се Грција како 30-та на листата, Бугарија на 32-та позиција и Хрватска како 46-та. Еве го целосното истражување: http://www.goodcountry.org/overall K.K.