Нов бран штрајкови во Грција
Објавено во: Балкан 23 Септември, 2013 10:41
Недела на нови штрајкови од денеска започнува во Грција, кои ќе ги опфатат државниот сектор, образованието, општинската админстрација и осигурителните компании.
По повик на својот синдикат, вработените во локалната самоуправа денеска ќе започнат 48-часовен штрајк против отказите и прераспоредувањето на службениците во државниот сектор, согласно мерките наметнати од меѓународните кредитори на Грција.
Државните службеници утре и в среда ќе штрајкуваат против намалувањето на бројот на работните места, а се очекува да им се приклучат и вработените во приватниот сектор.
Од денеска во 48-часовен штрајк стапуваат и вработените во осигурителните компании, како и професорите од средните училишта.
Синдикатите во Грција најавуваат целосна подготвеност да продолжат со борбата против „уништувачката политика“ на Владата и „тројката“ меѓународни кредитори од ЕУ, ЕЦБ и ММФ, чии претставници вчера пристигнаа во Атина со цел со властите да ја договорат исплатата на следната транша од финансиската помош во износ од една милијарда евра.
Можеби ќе ве интересира
Вјоса Османи се пофали дека уште една земја го призна Косово
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
