АЕК: Сите мобилни оператори сакаат 4Г фреквенции

Добивај вести на Viber

За 4Г фреквенциите се заинтересирани трите мобилни оператори кои функционираат на македонска територија. Како што информираше Агенцијата за електронски комуникации (АЕК), понуда до нив стигнала од Вип, Оне и Т-мобиле, работат во Македонија за одобрението за воведување нови услуги од четвртата генерација на мобилни комуникациски услуги. Трите оператори, исто така доставиле понуда со почетна вредност од 10 милиони евра за секое одобрение. „АЕК е посебно задоволна што по успешно спроведената дигитализација на преносот на телевизиски содржини, кој заврши на 1 јуни, и по успешно спроведување на оваа тендерска постапка, ќе се отвори можност за воведување нови услуги од четвртата генерација на мобилни комуникациски услуги. На тој начин Македонија го потврдува своето лидерско место, како земја која прва ги воведува овие технологии во нашиот регион“, соопштија од АЕК. Според АЕК, јавното наддавање за доделување на трите нови одобренија за 4Г, ќе се изврши на 10-ти јули. Од Агенцијата посочија дека услугите од четвртата генерација ќе им овозможат користење на мобилен широкопојасен интернет на корисниците во Македонија со висок квалитет и брзина.