Аферата со коњското месо стигна и во Бугарија, во Македонија нема проблем
Објавено во: Агробизнис 21 Февруари, 2013
Бугарската Агенција за безбедност на храната го потврди присуството на коњско месо во производи обележани како говедски кои се продавале и во оваа држава.
„Резултатите од двете испитувања на производите кои се повлечени од продажба биле позитивни на коњско месо, кое во едниот производ било присутно 80, а во другиот 50 отсто“, соопшти Агенцијата.Тестовите, кои ги биле работени во германска лабораторија, се порачани минатата недела кога 86 килограми „говедски“ лазањи се повлечени од синџир бугарски супермаркети, чие име не е соопштено.
Агенцијата за безбедност на храната денеска ги уништи овие производи, нагласувајќи дека на анализа испратила примероци од уште пет производи.
Во Македонија нема проблем!
Како што минатата седмица соопшти Агенцијата за храна и ветеринарство, контролите биле спроведени веднаш по добиеното известување од британската Агенција за безбедност на храната дека смрзнатата храна од одредени производители, наместо говедско, содржи голем процент коњско месо.
„Во конкретниот случај, не станува збор за проблем поврзан со безбедноста на храната, туку со декларирањето, поточно со прекршок кој се однесува на измама на потрошувачите“, велат од македонската Агенција од каде најавија дека ќе продолжат со засилен мониторинг на операторите со храна во земјава и со следење на состојбата на европскиот пазар.
Скандалот со коњското месо ја тресе цела Европа, а не е исклучок ни Балканот. Пред Бугарија, коњско месо кое се продава како говедско беше пронајдено и во Хрватска, а скандалот се прошири и до Хонг Конг.
Според досегашните испитувања, спорното месо најверојатно потекнува од Кипар и Романија.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
