Koj е најголемиот европски центар за производство на зеленчук?
Објавено во: Економија, Агробизнис 29 Ноември, 2025 10:06
Најновите податоци на Евростат покажуваат дека во текот на 2023 година, земјоделството на Европската Унија(EУ) достигна историски високо ниво, а вкупната вредност на производството изнесуваше 537 милијарди евра.
Меѓу регионите на ниво NUTS 2, особено се издвои Андалузија, која со 16 милијарди евра убедливо го зазеде првото место по обемот на земјоделско производство.
Веднаш зад неа се Бретања во Франција со 11 милијарди евра, германскиот Везер-Емс и италијанската Ломбардија со по 9,8 милијарди евра, додека петтото место го зазеде францускиот Пе де ла Лоар, чие земјоделско производство вредеше 9,3 милијарди евра.
Економските пресметки на Евростат потврдуваат дека зеленчукот и градинарските производи станаа најпрофитабилна категорија во европското земјоделство. Нивната вкупна вредност во 2023 година изнесуваше 71,5 милијарди евра, или 13,3 проценти од вкупното земјоделско производство на ЕУ.
Најголемиот европски центар за производство на зеленчук е повторно Андалузија, со принос од 5,2 милијарди евра. Јужна Холандија е многу блиску со 5 милијарди евра, додека италијанските региони Пуља и Кампанија, како и холандскиот Норд-Брабант - секој со 1,8 милијарди евра, забележаа значајни резултати.
Вкупно 14 региони на ЕУ го надминаа прагот од една милијарда евра во оваа категорија, од кои пет во Италија, пет во Холандија и четири во Шпанија.
Се издвојуваат региони каде што производството на зеленчук сочинува повеќе од половина од вкупното земјоделско производство. Рекордер е Виена, каде што зеленчукот и градинарските производи сочинуваа дури 77,2 проценти од вкупното земјоделско производство. По неа следува Јужна Холандија со 68,4 проценти, потоа италијанска Лигурија со 65 проценти и германски Хамбург, каде што овој сектор сочинува 50,8 проценти од производството.
Уште 16 региони на ЕУ бележат удел од 30 до речиси 50 проценти - од 31,7 проценти во шпанската Ла Риоха до 48,5 проценти во Северна Холандија.
Трендовите јасно укажуваат дека одгледувањето зеленчук и хортикултурата стануваат клучни двигатели на европското земјоделство. Рекордните резултати на одредени региони, особено во Шпанија, Холандија и Италија, потврдуваат дека европската аграрна економија сè повеќе се потпира на модели на производство со висока вредност и интензивно производство, пишува bizportal.rs.
Според најновите податоци, токму овие сектори ги поставуваат темелите за понатамошен раст и трансформација на земјоделството во Европската Унија.
foto freepik.com/vwalakte
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
Хрватска е поскапа од Тоскана и Прованса, туристите се шокирани од цените
Димитриеска-Кочоска: Нема задолжување надвор од предвидените за годинава
Германија ја зголемува минималната плата од 1 јануари, компаниите најавуваат зголемување на цените и отпуштања
Германската Heidelberg Postpress бара стабилната деловна средина и квалификувани работници - ТИРЗ Скопје и Штип меѓу потенцијалните локации
Инженери на РМ: ВМРО-ДПМНЕ да ја повлече наплатата од 200 денари за пристап до мрежа, како што вети
