АХВ: Има зголемено присуство на токсини во млекото на Дукат
Објавено во: Агробизнис 17 Февруари, 2013
Лабораториските испитувања спроведени во Македонија на производите на хрватски „Дукат“ потврдија дека во млекото „Лагано јутро“ има зголемено присуство на афлатоксин М1.
Како што соопшти Агенцијата за храна и ветеринaрство, добиените резултати од лабораториските испитувања спроведени од Факултетот за ветеринарна медицина, потврдија зголемено присуство на афлатоксинот М1 со просечна вредност од 0,152 микрограми на килограм. Станува збор за анализираните мостри од 360 литри трајно млеко од овој бренд, кои се наоѓаат под надзор во магацините на увозникот, односно кои не се пуштени во промет.
Овие количини, како што стои во соопштението, со наредба на Агенцијата ќе бидат нештетно уништени.
Агенцијата за храна и ветеринарство продолжува со вршење засилени инспекциски контроли на домашниот пазар, како и со задолжително испитување на афлатоксини при увоз на млеко и производи од млеко.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
