AI Tech Summit 2025 во Скопје – Место за практична иновација, трансформација и глобална експертиза

Добивај вести на Viber

Скопје, 24 септември 2025 г. – Од 30 септември до 1 октомври, во Националната опера и балет во Скопје, ќе се одржи третото издание на “AI Tech Summit 2025”, регионалниот водечки настан за вештачка интелигенција, оваа година посветен на идејниот творец Филип Аврамчев.

Главни теми и фокусот на програмата

На самитот ќе се дискутира за примената на вештачката интелигенција во индустрии како здравство, финансии, производство, спорт и малопродажба, а вниманието ќе биде насочено кон:

• Практични примери и реална вредност – иновативни алатки, решенија и пристапи кои веќе функционираат во дигиталната трансформација.
• Автоматика и AIOps – стратегии за примена на автономни агенти и интелигентни оперативни решенија.
• Генеративна AI и специфични индустриски примени – од биоинженеринг до гејминг, со акцент на следењето на трендовите и имплементацијата на терен.

Говорници – глобални експерти и регионални лидери

На сцената ќе се појават реномирани експерти и лидери кои ќе ги споделат своите осврти, искуства и визии:

• Претставници од IBM, AWS, KMPG, Salesforce, SAP, Microsoft – говорници чии теми ќе го претстават ширењето на AI во бизнисот и различните индустрии.
• Двајца претставници од FC Barcelona – ќе зборуваат за тоа како клубот користи вештачка интелигенција за анализа на податоци, оптимизација на тренинг процесите и подобрување на искуството на навивачите.
• Претставници од академската и научната заедница – ќе ги презентираат најновите достигнувања и решенија во сферата на AI во медицината.

Она што е особено интересно оваа година, е тоа што на самитот ќе зборуваат и неколку македонски AI професионалци, кои работат во светски реномирани коимпании, и кои ќе го споделат своето искуство за софистицираните AI технологии и както тие го менуваат модерното секојдневие.

Зошто е важен овој самит?

• Фокус на примена и резултати –преку едукативни и практични сесии за реализација на AI проекти.
• Разговори со лидери од индустријата – директен увид во AI трендовите и примена низ примерите на врвни компании.
• Интердисциплинарна платформа – од технологија и биоинженеринг до спорт, гејминг и финансии.

Станувајќи дел од AI Tech Summit 2025, учесниците добиваат директен пристап до глобалните AI трендови, практични примери за имплементација и експертиза од водечките играчи во индустријата, а во исто време имаат можност за вмрежување со претставници на компании кои ја вреднуваат и применуваат вештачката интелегенција во своето работење.