Ајранот или Ракијата, кој е националниот пијалок на Турција?

Добивај вести на Viber

Националниот турски пијалок не е ниту пивото, ниту ракијата, туку ајранот , со оваа изјава Турскиот премиер Реџеп Таип Ердоган успеал да ја подели јавноста во земјата . -Пивото, за жал, е претставено како национален пијалок, иако не е. Наш пијалок е ајранот“, рекол Ердоган, мислејќи на освежителниот напиток кој се прави од јогурт, вода и сол и кој често се конзумира со месо. Иако оваа изјава не е контроверзна, темата е мошне чувствителна во Турција, на која секулариститемошне бурно реагираат. Ердоган потсетил дека во текот на владеењето на секуларистите, кои сега се во опозиција, државното промовирање на алкохолот се граничи со пропаганда. -Не постои начин да го забраните конзумирањето на алкохол, кое не носи ништо добро за заедницата, туку напротив нанесува голема штета“, рекол Ердоган. Секуларистите тврдат дека национален пијалок е ракијата, бидејќи „таткото на модерна Турција“, Кемал Ататурк го конзумирал тој пилако и често бил фотографиран како држи чаша во раката.   Конзервативците тврдат дека јогуртот навистина е национален пијалок, бидејќи се пие во џамиите, но многумина сметаат дека со оваа изјава Ердоган навлегува во приватноста на граѓаните.