Добивај вести на Viber
Вицепремиерот и министер за земјоделство на Федерацијата БиХ Јерко Иванковиќ Лијановиќ, сопственик на фабриката „Лијановиќ,“ неговиот брат – пратеникот во Парламентот на БиХ, Младен Иванковиќ Лијановиќ и ентитетскиот министер за трговија Милорад Бахиљ се меѓу уапсените 14 лица во Босна и Херцеговина во рамките на акцијата „Месо“.
Меѓу уапсените се и двајцата браќа Иванковиќ Лијановиќ, Славо и Јозо, кои ја водат семејната месна индустрија. Сите се осомничени за организиран криминал, затајување на данок и перење пари преку фиктивен увоз на месо наменето за преработка, со што буџетот го оштетиле за околу 6 милиони евра.
Според Државната агенција за истрага и заштита на БиХ, припадниците на оваа организирана криминална група основале повеќе фиктивни фирми, кај кои од една на друга го префрлале производството и продолжувале да работат со истите вработени, во исти простории, исти погони и со иста лиценца.
Според неофицијални информации, „мозок“ на ваквите измами била жена - Мирјана Шакота, која наводно била книговодителка во спорните фирми и која ја поставила целата шема по налог на браќата Лијановиќ.