Ако немате потреба не патувајте во Грција, коронавирусот забрзано се шири

Добивај вести на Viber

Доколку обврските ви налагаат да патувате кон јужниот сосед а можете да ги пролонгирате тогаш не патувајте кон таа држава.

Од грчкото министерство за здравство потврдуваат пет нови регистрирани случаи позитивни на корона вирусот со што вкупниот број на заразени од КОВИД-19 е 89 лица.

Здравствените претставници на Грција информираа и дека во критична состојба е едно лице чија состојба деновиве се влошила а кое се наоѓа на интензивна нега во градот Патра.

Имено, во Грција се затворени над 80 училишта ширум целата земја, превентивно со цел да се спречи ширење на коронавирусот.

Листата со средни и основни училишта кои ставија клуч на врата постојано се менува, со оглед на тоа дека една образовна институција се затвора доколку се потврди дека постои позитивен случај на Ковид-19, поврзан со некој од учениците, јави дописничката на МИА од Атина.

Затворени се училишта во Атина, Солун, Лерин, на островите Лезбос и Евија, а паралелно, и понатаму се затворени сите училишта во регионите Илиас, Ахаиа и Закинтос, каде што од минатата седмица, во сила се вонредните владини превентивни мерки.