Ако патувате во оваа земја, ќе ви треба електронска виза
Објавено во: Свет, Корона Вирус 01 Октомври, 2021
Граѓаните на Македонија во Египет само со електронска виза.
Министерот за надворешни работи, Бујар Османи ја сподели оваа информација на Фејсбук. Сите оние кои имаат интерес да патуваат во Египет може да добијат електронска виза за влез во земјата во рок од 24 часа од поднесување електронска апликација. Заинтересираните треба да го посетат виза порталот на Египет на следниот линк www.visa2egypt.gov.eg. Одобрената електронска виза пристигнува на е-меил и истата се печати и презентира на граничните премини на Египет.
Освен тоа, неопходно е да се има и негативен ПЦР тест не постар од 72 часа пред пристигнувањето во земјата или признаен сертификат за вакцинација извршена најмалку 14 дена пред влез во државата. Македонија е меѓу 74 земји на кои Египет им овозможи влез со електронска виза согласно горенаведената процедура. Во секоја земја правилата за влез се различни.