Ако убедат некого да се вакцинира, ќе добијат ваучер
Објавено во: Свет, Корона Вирус 01 Октомври, 2021
Швајцарија ќе ги награди со ваучер оние кои ќе убедат други лица да се вакцинираат.
Ваучерот е во вредност од 50 швајцарски франци. Од Владата велат дека секој може да убеди пријател, колега, сосед да се вакцинира. Локалните власти ќе решат каде ќе може да се искористи ваучерот, на пример дали во кината или рестораните. Во земјата само 58 проценти од 8,7 милиони население се имунизирани. Со тоа Швајцарија е една од државите со најниските стапки во Западна Европа. Лидер е Португалија.